謝謝~

今次呢一篇野係想多謝一個人...

一直以黎我0係感情路上飽歷風霜, "我愛過幾個人,也被愛過幾遍"~ 雖然有些係刻骨銘心,有時經過某些地方, 聽到某些歌,我仍然會感到心痛或者懷念... 我承認, 我曾經懷疑自己心裡係唔係依然掛住其他人.. 直到最近....

由你同我拍拖半年開始,我既運程可以話衰到貼地. 負債欠咭數, 之後俾公司炒, 屋企經濟又差, 最慘既係.. 我到而家身體都係比較差, 成日都病.. 中間已經經歷過幾次大病.. 仲記得有次我對眼神經問題睇唔到野.. 好驚好驚,你趕返黎陪住我坐白車,仲要攪到十二點先食晚飯. 緊接住, 我胃炎復發, 食唔到野又嘔.. 你日日都好快返屋企陪住我, 放假都無同朋友出街..我果時可以依靠既就係你喇.

我發覺, 只有呢一次同你拍拖, 先有兩人同甘共苦,相依唯命既感覺..  係...雖然以前有男仔對我比你溫柔, 而且比你有諗頭, 識令我好"lum", 不過你同我係真真正正一齊去接受生活既困難,開心同唔開心都一齊過..

唉..今日我又覺得對你唔住喇><, 你俾左錢我無幾耐,我又感冒又咳, .. 又用左那些錢去買藥....幾時我先可以唔駛做你負擔呢?

我而家都唔知道我地未來會唔會順利結婚生仔, 不過0係呢一刻,希望可以同你日日都享受只有我地二個既世界,就算窮,日日食ok叮飯都咁開心!

你那太空艙　能夠發出金色的光
我廢置一方　抬頭便會為你守望
一天天催迫生活在現代化
繽紛星空拋低我寄存繁榮垃圾缸
多得你原諒我骯髒

送你破黑膠　廉價發出歌聲依稀
送你破燈泡　便宜地照亮你天地
一箱卡式帶一直沒落仍能回味
那套舊文藝戲
生生不息的悽美愛情逾越物質跨過世紀

文明能壓碎　情懷不衰　無論枯乾山水
舊時年月投入垃圾裡　你我一起同居
仍然能送你　兒時玩具
老地方抱著一起安睡
七百年　潮流裡　瞬息過去

棄置那棵花　容我帶它的根歸家
送你這棵花　來懷念已逝去初夏
漆黑的星體花葉樹木無從留下
你會在流淚嗎
花開的沙丘滋養我們貧窮地方優美似畫

文明能壓碎　情懷不衰　無論枯乾山水
舊時年月投入垃圾裡　你我一起同居
仍然能送你　兒時玩具
老地方抱著一起安睡
七百年　潮流裡　建築統統破碎

天天進化熱潮已記不起
用霓虹去建設歡喜
雖則你我被每粒星唾棄
我們貧乏卻去到金禧

文明能壓碎　情懷不衰　無論枯乾山水
舊時年月投入垃圾裡　你我一起同居
仍然能送你　兒時玩具
老地方抱著一起安睡
七百年　隨年歲　記憶老去
仍然有你的忠心愛侶

沙麈暴下

這是多麼恐怖啊!!

以前香港都未試過咁既情況既~ 而家真係要幾新奇有幾新奇.. end of the world 真是不遠了.. 可是我們又可以做咩野呢? 只可以眼白白睇住所有天災人禍既發生

( 在香港,看來我的鼻敏感是不會好的了...)

呵呵~今天去見工所以又著得很成熟...

夜晚0係TST 等人既時候有個ANUTIE 走過黎好唐突咁問我著開咩sizes... 原來佢覺得我身形幾好,想睇下岩唔岩做佢間出口公司既fitting model... ( 咁岩我尋日都去左一間外國出口公司見part time 既fitting model 喎! 唔通個天咁益我?! ) 之後上去佢間野到interview.. cher.. 又話聽日打俾我..到左今日都無人搵過我呀.. 唉.. 好灰呀... 無$$駛呀...

茶香! 小食推介日本抺茶餅

本人超愛吃的~!

( 不過都不算平... 而且得12塊...很快吃完..)

lovely puppies!

眾所周知我一向都好鍾意狗仔! 等我今日upload 之前0係街影過既可愛狗仔相先....

呢個係0係始創附近間藥房見到嫁~~ d毛毛好鬼得意喲!!唔知有無人都見過呢?

而呢只史納莎bb呢就0係馬鞍山海柏樓下間pet salon 到見到既... 佢真係好好細粒呀! 呆呆咁好可愛好可愛....

唉... 可惜我屋企唔多岩養狗狗丫... 唔係我就一定會好錫佢地嫁!~.~ (我最想有只北京狗呀..因為..以前ex ex ex ex ex ex bf 養過,叫做choi choi 可惜幾年前已經唔0係到喇><.. 我真係好掛住佢/__\)

是我想太多

細過果時聽人講, 手紋多=多野諗 . 果然, 我無時無刻都好鍾意諗野. . 應該話, 係我不情願地俾個腦控制... 最近真係開始覺得原來多野諗真係唔係一件好事黎.. 令我自己經常處於一個憂慮的狀態..

以前會話人咩都唔諗得深入d, 好似唔知為咩而生存.. 但係我而家反而想咁樣. 起碼自己過得舒服一d, 情緒又唔會大起大落..

一直以黎. 愛情的確係放0係我心入面最高位置...但係, 就算而家同男朋友好開心咁生活,日日對住齊齊玩. 0係內心深處其實相當害怕沒有未來, 我的確好害怕, 始終年齡係一個無辦法解決既問題.. 問心, 二十出頭既男仔有幾多會想成家立室? 我又如何去叫對方計劃? 而我睇住自己慢慢步入中女行列, 唔通過多幾年仲可以搵過第二過從頭黎過咩... 父母周不時就問我有咩打算, 幾時註冊. 喂! 唔係我想就可以聽日去註冊跟手0係m記擺番幾圍嫁..

 咁事業呢? 我明白少奶奶應該無我份.. 睇番自己情況, 學歷唔係高, 早幾年好辛苦入左物流呢行, 卻因為自己身體健康問題, 點都唔想再做落去.. 想搵份舒服d admin / general d 既工, 又唔係咁容易.幾次都係因為無錢無得拖先又入左物流公司..  是但搵份工? 去網吧去m記? 我係有諗過, 但係我二十幾歲做呢d工又過唔到自己果關.. 而且過多幾年又可以做d咩呢? 

講左讀化妝幾年喇, 始終都無報讀到.. 眼見愈來愈多女仔學, 俾一大筆學費.. 之後係咪可以cover番呢..?我唔敢搏而且無錢...

而我既夢想呢? Model,跳舞唱歌 呢方面, 我都接觸過唔小大公司agency, 連電影都casting 過喇, 可能我唔係世界女,始終未如人意, 仲曾經用左好多錢. 而家已經意興闌珊了.... 記得上一個男朋友曾經反對過我接觸呢行又話我發夢, 果時我同佢講我有既係青春, 想做自己想做既野.. 唉.. 而家真係覺得自己好慚愧, 因為我的確咩都得唔到.. 反而.. 無左可能會同佢結婚既機會 . 而家風水輪流轉, 到我擔心自己嫁唔出..

另外仲有屋企既問題都令我覺得好煩好煩... 我怕打到天光都未打完...

細個既我一向以樂天自命, 原來我有抑鬱........

到底人係為咩而生存呢? 生命短暫.. 點樣做先係最有意義,最開心呢?